011 760 2669  |  info@veranderdelewens.co.za

Wie is ons?

“We hereby covenant and engage ... to give up ourselves unto the Lord ... to unite together into one body for the public worship of God, looking for that blessed hope and the glorious appearing of ... our Savior Jesus ...”

ONS STREEF DAARNA OM DAAGLIKS ONS WAARDES UITTELEEF

Ons Waardes

Vertel

Ons droom van ‘n gemeente : WAAR DIE GOEIE NUUS VAN JESUS CHRISTUS VERTEL WORD

Verdiep

Ons droom van ‘n gemeente : WAAR DIE MENSE WEEKLIKS GEESTELIK GROEI EN VERDIEP

Verander

Ons droom van ‘n gemeente : WAAR LEWENS DAAGLIKS  RADIKAAL VERANDER!

Verdiep

Ons droom van 'n gemeente : WAAR MENSE SE HARTE, LEWENS EN DENKE VERNUWE WORD DAAGLIKS

Vernuwende Diens

Kom geniet die diens saam met ons.

SONDAE
8:00 & 10:00 AM
Slegs 09:00 tydens vakansie & langnaweke

Tradisionele Diens

Kom geniet die diens saam met ons.

SONDAE
8:30
      ONS KERK SE HOOGTEPUNTE      
50 Jaar PPT

September 2018

Ons word 50!

Augustus 2018

Vintage Damestee

Met ‘n wonderlike gevoel van afwagting het die Vintage damestee, ‘n eerste vandat ons by die nuwe perseel in Philipslaan is, aangebreek. Die saal het pragtig gelyk! Tafels is in groepies gerangskik en pragtig gedek en versier. Elke tafel was op sy eie unieke manier versier in die Vintage-styl - klein voëlhokkies, stringe pêrels, stapeltjies ou boeke met ‘n lint vasgebind, versamelstuk-teekoppies en teepotte gevul met vars blomme op spierwit tafeldoeke met pienk aksente - ‘n ware fees vir die oog en baie stylvol en vroulik. Elke dame is bederf met ‘n heerlike bederfkoffie wat op die tafel gewag het. Dit is egter die lieflike stuk koek wat die aandag gesteel het! ‘n Individuele porsie heerlike koek (sjokolade mousse “double decker” of “cookies and cream”) was by elke plek gedek en almal was dit eens dat dit heerlik dekadent en ‘n ware bederf was!

Julie 2018

Thailand Uitreik

Geul met afwaging, opwinding maar ook 'n bietjie versigtigheid, het die gropeie van 5 mense die 15 ure vlug na Thailand aangepak.

Junie 2018

Sake Ontbyt met Brand Pretorius

Oor die 70 gaste het die koue wintersoggend troseer om hierdie heerlike oggend mee te maak.  Met die intrapslag kon almal 'n warm koppie koffie of tee drink terwyl hul gewag het dat die verrigtinge stiptelik om 08:00 begin.  Brand Pretorius, 'n bekende and baie suksesvolle sakeman, het almla aan sy lippe laat hang met sy inspirerende praatjie oor sukses en Christelike waardes in besigheid.

Mei 2018

Geestelik Groei Week

Geestelike Groei-week het na groot afwagting aangebreek! Na 2017 se positiewe belewenis met die “Revival Drive” wat Morne du Plessis gelei het, was die gemeente opgewarm en gereed vir die boodskap wat hy sou bring. Die weeklange media-vas wat die Geestelike Groei-week voorafgegaan het, was ook vir vele van wie ons terugvoer ontvang het, ‘n baie positiewe belewenis van afsondering en gefokusde aandag op God se stem.

Mei 2018

Huweliksverrykingsoggend

Die huweliksverrykingsoggend met dr. Henk Gouws as spreker was ‘n heerlike oggend waar paartjies weer vir ‘n tydjie kon stilstaan en luister na raad oor algemene knelpunte in baie huwelike. Dr Henk Gouws het onlangs ‘n boek geskryf “Breekpunt” wat hy gebaseer het op jarelange ondervinding van knelpunte wat gereeld in ‘n huwelik wrywing veroorsaak.

April 2018

Kingdom Come Konferensie

Vanaf 11 tot 13 April het mense vanoor Suid-Afrika by die Christian Family Church aan die Oosrand  bymekaargekom vir die tweede jaar van die Kingdom Come Conference South Africa. Meer as 2400 mense het daagliks die konferensie bygewoon! Die program is daagliks afgeskop met “praise and worship” waarna die eerste sessies van ongeveer 90 minute begin het. Banning Liebcher asook Eric Johnson (Bill Johnson se seun) het sessies gedoen en op verskeie temas itgebrei bv. die belangrikheid van gebed en terugkeer na persoonlike tyd met God.

Maart 2018

Mannekamp

Die Mannekamp te Viljoenskroon was ‘n heerlike uittog in die reën. Die plaas en fasiliteite is pragtig! Die fokus van die naweek was “positiewe denke” en
daar is gekonsentreer op die invloed van jou eie besluite en oordeel oor jou lewe en hoe ons moet waak daarteen om meegesleur te word in die wereld waar ons gebombareer word met die negatiewe. Een ding wat egter uitgestan het van die naweek was die heerlike maaltye!

Maart 2018

Graad 6 & 7 Kamp

Die graad 6 & 7’s was van 2-4 Maart by “die Nessie” aan die Vaalrivier en het ‘n fees van ‘n tyd gehad! Daar is op hierdie kamp gefokus om jou identiteit en waar om jou identiteit te gaan soek. Wonderlike sessies is met die kinders gehou waarin hulle opnuut kon hoor dat hulle elkeen uniek en spesiaal gekape is, en dat elkeen van God se kinders ‘n stukkie van God se glorie in hom het!

Februarie 2018

Curry Blake

Met ‘n hoë verwagting het Donderdag 15 Februarie 2018 aangebreek waarop ons seminaar sou begin met hierdie befaamde spreker uit Texas, VSA. Alles was slaggereed - ‘n koffiewaentjie was gereed om spesialiteitskoffie te verkoop; die snoepie was gereed met peuselgoed; die sending-bediening het ‘n span gereed gehad om daagliks eetgoed voor te berei en te verkoop; die musiekgroep en klankspan was slaggereed en die nuwe badkamers was klaar!
Van vroegdag af het mense begin arriveer en kon die personeel en verwelkomingsspan hul “incheck” en rondwys op die perseel. Mense van sover as Kaapstad, Zimbabwe en Pongola het die seminar bygewoon! Om 08:30 daagliks het die
musiekgroep die stemming vir die dag geskep met wonderlike lofprysing - ek is oortuig dat almal wat die kursus bygewoon het, sal saamstem dat die musiek fantasties was!